Аб сустрэчы з намеснікам Міністра замежных спраў Турцыі М.К. Базаем
27.01.2025 г.
24 студзеня 2025 года ў сувязі з завяршэннем сваёй дыпламатычнай місіі ў Турэцкай Рэспубліцы, Надзвычайны і Паўнамоцны Пасол Рэспублікі Беларусь Віктар Рыбак правёў сустрэчу з намеснікам Міністра замежных спраў Турцыі Мехметам Кемалем Базаем.
Ад імя Ўрада Турцыі намеснік Міністра М.К. Базай выказаў падзяку Паслу В. Рыбаку за яго актыўную працу па развіцці двухбаковых адносін. Намеснік Міністра замежных спраў Турцыі адзначыў, што намаганні Пасла Беларусі спрыялі ўмацаванню кантактаў паміж дзвюма краінамі і дасягненню вынікаў па ключавых напрамках супрацоўніцтва.
У сваю чаргу Пасол В. Рыбак падзякаваў турэцкі бок за высокую ацэнку яго працы і за падтрымку, аказаную яму на працягу ўсёй яго дыпламатычнай дзейнасці. Беларускі дыпламат выказаў надзею на далейшае паслядоўнае ажыццяўленне дасягнутых вынікаў і паглыбленне ўзаемавыгаднага супрацоўніцтва.
Бакі закранулі перспектыўныя беларуска-турэцкія праекты, падкрэсліўшы іх узаемавыгадны характар. Абодва дыпламаты пацвердзілі прыхільнасць рэалізацыі дамоўленасцяў, дасягнутых
на вышэйшым узроўні, і адзначылі наяўнасць значнага патэнцыялу для далейшага нарошчвання супрацоўніцтва паміж Беларуссю і Турцыяй.
У ходзе сустрэчы Пасол В. Рыбак праінфармаваў намесніка Міністра М.К. Базая аб ходзе выбараў Прэзідэнта Рэспублікі Беларусь.
Завяршаючы сустрэчу, бакі выказалі ўпэўненасць у тым, што сяброўскія адносіны паміж дзвюмя краінамі будуць працягваць развівацца, адкрываючы новыя магчымасці для сумеснай работы і ўзаемных ініцыятыў.
