Аб наведванні арганізаванай прамысловай зоны ”Остым“
22.04.2021 г.Пасол Беларусі ў Турцыі Віктар Рыбак 22 красавіка 2021 г. наведаў арганізаваную прамысловую зону Анкары ”Остым“, якая з'яўляецца адной з найбуйнейшых вытворчых пляцовак Турцыі.
В.Рыбак правеў перамовы са старшынёй праўлення АПЗ ”Остым“ Арханам Айдынам аб супрацоўніцтве ў галіне горна-руднай прамысловасці. Дасягнута дамоўленасць аб арганізацыі дзелавога візіту кіраўніцтва і бізнесменаў арганізаванай прамысловай зоны ў Беларусь.
В.Рыбак таксама наведаў прадпрыемствы АПЗ ”Остым“ з сектара прыборабудавання і металаапрацоўкі. Па выніках наведвання прадпрыемстваў бакі дамовіліся аб арганізацыі відэаканферэнцыі з удзелам кампаній АПЗ ”Остым“ і беларускіх прамысловых прадпрыемстваў.