Аб рабочым візіце Пасла Беларусі ў Турцыі В.Рыбака ў Бурсу
29.03.2021 г.Пасол Беларусі ў Турцыі Віктар Рыбак 23-24 сакавіка 2021 г. наведаў з рабочым візітам горад Бурсу.
Для даведкі. Бурса з'яўляецца чацвёртым па велічыні ў Турцыі адміністрацыйным цэнтрам аднайменнай правінцыі. У Бурсе развіты аўтамабільны, тэкстыльны, хімічны і шэраг іншых сектараў прамысловасці.
Пасол Беларусі правёў сустрэчы з губернатарам правінцыі Бурса Якупам Джанбалатам і мэрам г.Бурса Алінурам Акташам. Бакі абмеркавалі пытанні стану і перспектыў развіцця гандлёвага і інвестыцыйнага супрацоўніцтва Бурсы з Рэспублікай Беларусь, у тым ліку ў рэгіянальным аспекце. Дасягнута дамоўленасць аб актывізацыі дзелавых кантактаў Бурсы з Магілёўскай вобласцю.
Адбыліся прэзентацыі гандлёва-эканамічнага патэнцыялу Беларусі на базе Гандлёва-Прамысловай палаты Бурсы і Асацыяцыі экспарцёраў Турцыі ”UIB“.
В.Рыбак прадставіў гандлёвыя прапановы беларускіх суб'ектаў гаспадарання, зацікаўленых у пастаўках прадукцыі ў Турцыю і развіцці ўзаемадзеяння з турэцкім бізнесам. Бакі абмеркавалі магчымасць арганізацыі ў чэрвені бягучага года двухбаковага вебінара паміж бізнесменамі дзвюх краін.
Кіраўнік беларускай дыпмісіі правёў сустрэчу з Ганаровым консулам Беларусі ў Бурсе Айбарам Улуджай і абмеркаваў план дзеянняў па развіцці міжрэгіянальнага супрацоўніцтва на 2021 год.
У ходзе візіта кіраўнік беларускай замежустановы наведаў турэцкую вытворчую кампанію ”Албайрак Макіна“, якая супрацоўнічае з ГП ”Мінскі метрапалітэн“ па ўводу ў эксплуатацыю трэцяй лініі Мінскага метро.
