Аб сустрэчы Пасла Беларусі ў Турцыі са старшынёй партыі «Ватан»
09.01.2026 г.
9 студзеня 2026 г. Пасол Рэспублікі Беларусь у Турэцкай Рэспубліцы Анатоль Глаз правёў сустрэчу са Старшынёй адной з найстарэйшых турэцкіх палітычных партый левай арыентацыі – партыі «Ватан» (Радзіма) Догу Перынчэкам.
Даведка. Партыя «Ватан» (Радзіма) бярэ свой пачатак ад «Партыі рабочых Турцыі» і шэрагу папярэдніх палітычных структур, якія выйшлі з турэцкага нацыянальна-вызваленчага руху 1918–1923 гг. На сённяшні дзень яна налічвае некалькі дзясяткаў тысяч членаў, першасныя арганізацыі дзейнічаюць ва ўсіх рэгіёнах Турцыі.
У ходзе сустрэчы адбыўся абмен меркаваннямі па актуальных пытаннях рэгіянальнага і міжнароднага парадку дня, уключаючы працэсы ў Еўразіі, на Блізкім Усходзе і ва Ўсходнім Міжземнамор’і, таксама закрануты асобныя аспекты развіцця сітуацыі ў сферы рэгіянальнай бяспекі.
Суразмоўцы абмеркавалі тэматыку беларуска-турэцкага ўзаемадзеяння ў кантэксце сучасных геапалітычных рэалій, адзначылі значнасць палітычнага дыялогу і экспертных кантактаў для фарміравання аб’ектыўных падыходаў да міжнародных пытанняў, а таксама выказаліся за паглыбленне супрацоўніцтва паміж дзвюма краінамі.
Д.Перынчек высока ацаніў узважаную і мірную палітыку Беларусі, асобна падкрэсліў ролю Прэзідэнта Аляксандра Лукашэнкі ў забеспячэнні рэгіянальнай стабільнасці і станоўча адзначыў яго жорсткі ўстойлівы курс на развіццё сваёй краіны.
Пацверджана зацікаўленасць у далейшым развіцці палітычных і міжпартыйных кантактаў паміж Беларуссю і Турцыяй.
